ایک طرف آپ عدلیہ پر اعتماد نہیں کرتے دوسری طرف ریلیف بھی مانگتے ہیں ، چیف جسٹس کالطیف کھوسہ سے مکالمہ

چیف جسٹس قاضی فائزعیسیٰ اورپی ٹی آئی کے وکیل لطیف کھوسہ ایک بارپھر آمنے سامنے آگئے۔

پی ٹی آئی کے وکیل لطیف کھوسہ نے سپریم کورٹ میں بانی پی ٹی آئی عمران خان کی توشہ خانہ نااہلی کےخلاف درخواست مقررکرنے کی استدعا کی جس پر چیف جسٹس نے ان سے مکالمہ کیا کہ ایک طرف آپ عدلیہ پر اعتماد نہیں کرتے دوسری طرف ریلیف بھی مانگتے ہیں۔

چیف جسٹس قاضی فائز عیسیٰ کا کہنا تھا کہ لطیف کھوسہ صاحب، آپ باہر جاکر الزامات لگاتے ہیں۔ جلد سماعت کی درخواست دائر کردیں، قانون کے مطابق جو ریلیف ہوگا وہ دیں گے۔