الیکشن کمیشن نے امیدواران کے انتخابی نشانات میں تبدیلی سے روک دیا

الیکشن کمیشن نے ڈی آراوز اور آراوز کو امیدواران کے انتخابی نشانات کی تبدیلی سے روک دیا، الیکشن کمیشن کی جانب سےہدایت نامہ بھی جاری کر دیا گیا۔

الیکشن کمیشن کی جانب سے ہدایت نامے میں کہا گیا ہے کہ بیلٹ پیپرزکی چھپائی شروع ہو چکی ہے ہو سکتا ہے کہ انتخابی نشان کی تبدیلی ممکن نہ ہو سکے۔ تمام ذمہ داران انتخابی نشان کی تبدیلی سے اجتناب کریں اور اگر انتخابینشان کی تبدیلی لازمی درکار ہو تو پہلے الیکشن کمیشن سے پیشگی اجازت لی جائے۔

واضع رہے کہ کئی حلقوں میں مختلف امیدواروں نے پارٹی ٹکٹ ہونے کے باوجود غلط انتخابی نشان الاٹ ہونے کی درخواست ہے جب کہ بعض حلقوں میں آزاد امیدوار بوتل اور بینگن جیسے نشانات کے خلاف عدالتوں میں گئے ہیں۔

تاہم الیکشن کمیشن آف پاکستان نے ایک حکم نامے میں ریٹرنگ افسران سے کہا ہے وہ انتخابی نشان کی تبدیلی سے گریز کریں۔