9 مئی مقدمات، پی ٹی آئی رہنما کے جوڈیشل ریمانڈ میں توسیع

9 مئی مقدمات، انسداد دہشتگردی عدالت نے پی ٹی آئی رہنما شاہ محمود قریشی کے جوڈیشل ریمانڈ میں توسیع کردی۔

انسداد دہشت گردی عدالت راولپنڈی نے سابق وزیر خارجہ اور رہنما پاکستان تحریک انصاف شاہ محمود قریشی کے خلاف 9 مئی سے متعلق جلاؤ گھیراؤ، توڑ پھوڑ کے مقدمات میں ان کے جوڈیشل ریمانڈ میں 25 مئی تک توسیع کردی۔

شاہ محمود قریشی کے خلاف مقدمات کی سماعت انسداد دہشت گردی عدالت راولپنڈی کے جج ملک اعجاز اصف نے کی ، عدالت نے شاہ محمود قریشی کو 28 دسمبر کو جوڈیشل ریمانڈ پر جیل بھجوایا تھا۔