شیخ رشید کے کاغذات نامزدگی کی منظوری کے خلاف درخواست مسترد

لاہور ہائی کورٹ نے شیخ رشید کے کاغذات نامزدگی کی منظوری کے خلاف درخواست مسترد کر دی۔ لاہور ہائی کورٹ کے جسٹس علی باقر نجفی کی سربراہی میں 3 رکنی بینچ نے کیس کی سماعت کی

لاہورہائیکورٹ نے ایپلیٹ ٹریبونل کا فیصلہ درست قراردیتے ہوئے شیخ رشید کو الیکشن لڑنے کی اجازت دیدی۔ درخواست میں موقف اختیار کیا گیا تھا کہ شیخ رشید کے کاغذات نامزدگی اپنی تمام تر تفصیلات ظاہر نہیں کی۔

درخواست میں استدعا کی گئی تھی کہ کاغذات نامزدگی حقائق کے برعکس منظور کئے گئے ہیں۔ عدالت ایپلیٹ ٹریبونل کا فیصلہ کالعدم قرار دے۔

لاہور ہائیکورٹ کے 3رکنی بنچ نے شیخ رشید کو الیکشن لڑنےکی اجازت دیتے ہوئے ایپلیٹ ٹریبونل کا فیصلہ درست قرار دیدیا۔