شریف برادران کے کاغذات نامزدگی منظوری کا فیصلہ لاہور ہائیکورٹ میں چیلنج

قائد مسلم لیگ ن نواز شریف اور سابق وزیراعظم اور وزیراعلیٰ پنجاب شہباز شریف کے کاغذات نامزدگی منظوری کے فیصلےکے خلاف لاہور ہائیکورٹ میں درخواست دائر کر دی گئی۔ درخواست شہری شاہد اورکزئی کی جانب سے دائر کی گئی ۔

درخؤاست میں مؤقف اپنایا گیا ہے کہ نواز شریف حلقہ این اے 130 لاہور سے الیکشن لڑ رہے ہیں۔ نواز شریف سپریم کورٹ حملہ کیس میں ملوث ہیں اور سپریم کورٹ حملہ کیس عدالت عظمیٰ میں زیر التوا ہے۔ ایپلٹ ٹربیونل نے حقائق کے برعکس نواز شریف کے کاغذات منظور کئے۔

درخواست میں استدعا کی گئی کہ شہباز شریف بھی سپریم کورٹ پر حملے میں ملوث ہیں اور حملے کے ماسٹر ماٸنڈ ہیں۔ ریٹرننگ افسر اور ٹریبونل نے کاغذات نامزدگی منظور کیے جو قانون کے خلاف ہے۔

درخواست میں استدعا کی گئی ہے کہ عدالت نواز شریف اور شہباز شریف  کے کاغذات نامزدگی منظوری کا فیصلہ کالعدم قرار دے اور الیکشن لڑنے سے روکے۔