بلاول بھٹو کو جتوا کر ملک کا وزیر اعظم بنوائیں گے ،آصف زرداری

کوٹ لکھپت:  آصف علی زرداری نےجلسے سے خطاب کرتے ہوئے  کہا ہے کہ عام انتخابات میں بلاول کو لاہور سےجتوائیں گے اور ملک  کا وزیر اعظم بنوائیں گے۔

کوٹ لکھپت میں حلقہ این اے 127 کے انتخابی دفتر کے افتتاح کے موقع پر منعقدہ جلسے سے آصف زرداری نے کارکنان سے مختصر خطاب کیا ۔ 

اپنے مختصر خطاب میں انہوں نے کہا کہ ہم اپنے کارکنان کی خواہشات پر چلتے ہیں کارکنوں اور پارٹی نے مجھ پر اعتماد کیا ہے جس کو ہمیشہ پورا کروں گا ۔ 

سابق صدر آصف زرداری نے کہا کہ ’ہم چالیس سال سے سیاست کررہے ہیں مگر ابھی ہمارا سفر بہت لمبا ہے،میں نے جیل میں پودا لگا یاجو 7سال میں بڑا ہوا اور اس پودے کا پھل کھایا، لاہور کے تمام عہدیدار مجھ سے جیل میں ملنے آتے تھے۔

انہوں نے کہا کہ پیپلزپارٹی ہی غریب عوام کی ترجمان ہے ہم نے اپنی جماعت کے ہر غریب آدمی کا خیال کر نا ہے ۔