عدالت نے فواد چوہدری کو جوڈیشل ریمانڈ پر جیل بھیج دیا

ترقیاتی منصوبوں میں خرد برد کیس، عدالت نے فواد چوہدری کو جوڈیشل ریمانڈ پر جیل بھیج دیا۔

احتساب عدالت کے جج محمد بشیر نے فواد چوہدری کے خلاف پنڈ دادن خان تا جہلم ترقیاتی منصوبے میں خرد برد کیس کی سماعت کی۔ فواد چودھری کو جسمانی ریمانڈ مکمل ہونے کے بعد عدالت پیش کیا گیا۔

فواد چودھری روسٹرم پر آگئے اور کہا کہ ضمانت کی درخواست پر بھی یکم فروری کے لیے نوٹس کردیں۔ فواد چودھری کی جانب سے ضمانت بعد از گرفتاری کی درخواست دائر کردی گئی۔

احتساب عدالت نے فواد چوہدری  کی درخواست ضمانت پر نوٹس جاری کرتے ہوئے یکم فروری کو دلائل طلب کرلیے جب کہ سابق وفاقی وزیر کو جوڈیشل ریمانڈ پر اڈیالہ جیل بھیج دیا۔

فواد چودھری کے وکیل راجا عامر عباس نے جیل میں بی کلاس سہولیات کی استدعا کردی، جس کو عدالت منظور کرلیا۔