گجرات میں پی ٹی آئی کے 25 کارکن گرفتار

گجرات: گجرات میں پولیس نے پاکستان تحریک انصاف (پی ٹی آئی) کے آزاد امیدوار کے کیمپ پر چھاپہ مار کر 25 کارکنوں کو گرفتار کر لیا۔

پولیس کے مطابق تمام افراد کے خلاف سڑک بلاک کرنے اور نعرے بازی کرنے پر مقدمہ درج کر لیا گیا ہے۔

پولیس نے بتایا کہ بھمبر روڈ پر چوہدری مدثر رضا مچیانہ کے ڈیرے پر اس لیے چھاپہ مارا گیا کیونکہ گرفتار افراد نے روڈ بلاک کر کے نعرے لگائے تھے۔

گرفتار افراد میں ایک امریکی پاکستانی شہری بھی شامل ہے جو کہ ایک امریکی پولیس افسر ہے۔ زین چیمہ نیویارک پولیس کا ملازم ہے اور چند روز قبل چھٹیاں گزارنے اپنے آبائی شہر آیا تھا۔