ایران کے ساتھ کشیدگی نہیں بڑھائیں گے ،ترجمان دفتر خارجہ

پاکستان دفتر خارجہ کی ترجمان زممتاز زہرہ بلوچ  نے کہا ہے کہ اس کا ایران کے ساتھ کشیدگی بڑھانے کا کوئی ارادہ نہیں۔

دفتر خارجہ کی ترجمان ممتاز زہرہ بلوچ نے آج(جمعرات) کو اسلام آباد میں میڈیا سے بات کرتے ہوئے  کہا کہ آج صبح کی گئی فوجی کارروائی ایران یا اس کے اداروں کے خلاف نہیں بلکہ وہاں دہشت گردوں کے ٹھکانوں کے خلاف تھی۔

انہوں نے کہا کہ پاکستان ،اسلامی جمہوریہ ایران کی خود مختاری اور علاقائی سالمیت کا احترام کرتا ہے۔ آج کی کارروائی کا واحد مقصد اعلی ترین قومی مفاد میں پاکستان کی سلامتی کو یقینی بنانا تھا جس پر کوئی سمجھوتہ نہیں کیا جاسکتا۔

ترجمان دفتر خارجہ نے کہا کہ پاکستان ایران سمیت خطے کے تمام ممالک کے ساتھ پرامن تعلقات کی خواہش رکھتا ہے ، ترجمان نے ایک سوال کے جواب میں کہا کہ پاکستان کا تحفظ اور خود مختاری مقدس اور ناقابل تسخیر ہے۔

انہوں نے دروزقبل کئے گئے ایرانی حملے سے پاکستان سے کسی بھی قسم کی معلومات کے تبادلے کی اطلاع کو سختی سے مسترد کردیا۔

ترجمان دفتر خارجہ  زہرہ بلوچ  نے کہا نگران وزیراعظم انوار الحق کاکڑ نے جو عالمی اقتصادی فورم کے سالانہ اجلاس میں شرکت کیلئے ڈیووس میں ہیں، جاری حالیہ پیشرفت کے تناظر میں اپنا دورہ مختصر کرنے کا فیصلہ کیا ہے۔