چین کے نائب وزیر خارجہ کی قیادت میں اعلی سطح کا وفد اسلام آباد پہنچ گیا

چین کے نائب وزیر خارجہ کی قیادت میں اعلی سطح کا وفد اسلام آباد پہنچ گیا ہے،

چینی وفد کی قیادت نائب وزیر خارجہ سن وی ڈانگ کررہے ہیں۔ دونوں ممالک میں دفاعی تعاون، علاقائی سلامتی سمیت دیگر اہم امور پر تبادلہ خیال ہوگا۔

یاد رہے کہ پاک ایران کشیدگی پر چین نے تحمل کے مظاہرے کا مشورہ دیا تھا۔ایران نے پہلے پاکستان کی فضائی حدود کی خلاف ورزی کی تھی جس کے بعد پاکستان نے بھی ایران کی حدود میں دہشت گردوں کو نشانہ بنایا تھا۔

چین نے پاکستان اور ایران کے درمیان کشیدگی کم کرانے کے لئے ثالثی کی پیش کش بھی کی تھی اور ساتھ ہی تحمل سے کام لینے کا مشورہ دیا تھا۔