سپریم کورٹ نے گزشتہ ہفتے 504 کیسز نمٹائے ،چیف جسٹس

اسلام آباد: چیف جسٹس آف پاکستان جسٹس قاضی فائز عیسیٰ نے ہفتے کے روز دائر کیے جانے والے مقدمات سے زیادہ تعداد میں مقدمات نمٹانے کے عزم کا اظہار کیا۔

چیف جسٹس قاضی فائز عیسیٰ نے کہا کہ سپریم کورٹ نے گزشتہ ایک ہفتے میں 5 سو 4 مقدمات نمٹائے جب کہ اس عرصے کے دوران 3 سو 35 مقدمات دائر کیے گئے۔

 انہوں نے وفاقی دارالحکومت میں ایک تقریب سے خطاب کرتے ہوئے کہا کہ ہم نے سپریم کورٹ میں 5305 کسیز کو احسن طریقے سے نمٹایا ۔ 

چیف جسٹس نے کہا کہ ستمبر 2023 سے دسمبر 2023 کے درمیان تین ماہ میں سپریم کورٹ نے کل پانچ ہزار تین سو پانچ کیسز نمٹائے۔

قاضی فائز عیسیٰ نے کہا کہ سپریم کورٹ کی عمارت میں بنیادی حقوق کی یادگار قائم کی جا رہی ہے جو کھلی رہے گی اور عوام کو اس تک مفت رسائی حاصل ہو گی۔