لاہور فتح کرنے کا مشن، پیپلز پارٹی کا سیاسی پاور شو

پاکستان پیپلز پارٹی آج این اے 127 لاہور میں طاقت کا مظاہرہ کرے گی، جس کیلئے ٹاؤن شپ میں جلسہ گاہ میں پنڈال سجا دیا گیا ہے، چیئرمین بلاول بھٹو جلسہ عام سے خطاب کریں گے۔

بلاول بھٹو کے علاوہ پیپلز پارٹی کے دیگر رہنما بھی جلسے سے خطاب کریں گے۔پنڈال میں جیالوں کے لیے 5 ہزار سے زائد کرسیاں لگا دی گئی ہیں اور مرکزی سٹیج تیار کر لیا گیا ہے۔پنڈال میں ساؤنڈ سسٹم اور لائٹس کی تنصیب کردی گئی ہے۔

جلسہ گاہ میں میڈیا کے لیے الگ کنٹینر مختص کیا گیا ہے۔پنڈال میں خواتین کے لیے بھی الگ بلاک بنایا گیا ہے۔جلسہ گاہ کی سکیورٹی کے سخت انتظامات کیے گئے ہیں۔

یاد رہے کہ این اے 127 سے چیئرمین پیپلز پارٹی بلاول بھٹو،ن لیگ کے عطاء تارڑ اور تحریک انصاف کے نامزد امیدوار ظہیر عباس کھوکھو مدمقابل ہیں۔