پلاٹ کے حصول کیلئے اہل صحافی 28 جنوری تک درخواستیں جمع کرائیں ،محسن نقوی

پنجاب کے نگران وزیراعلی محسن نقوی نے کہا ہے کہ نگران حکومت صحافیوں کے حقوق کے تحفظ کیلئے پرعزم ہے ۔

انہوں نے آج (اتوار) کو لاہور میں صحافیوں سے گفتگو کرتے ہوئے کہاکہ ہم صحافیوں کی فلاح وبہبود کیلئے طویل مدتی منصوبوں پرعمل پیرا ہیں۔

انہوں نے بتایا کہ صحافیوں کو تین سے سات مرلے کے پلاٹ دئیے جائیں گے اور اہل صحافی 28 جنوری تک درخواستیں جمع کراسکیں گے۔

انہوں نے کہاکہ یہ درخواستیں اس پیر سے وصول کی جائیںگی اور موجودہ نگران حکومت 8 فروری سے پہلے قرعہ اندازی کرنے کی کوشش کرے گی۔