بلوچ یکجہتی کمیٹی کااسلام آباد میں دھرنا ختم کرنے کا اعلان

بلوچ یکجہتی کمیٹی کی رہنما ماہ رنگ بلوچ نے اسلام آباد میں دھرنا ختم کرنے اور احتجاجی تحریک کے اگلے مرحلے کا اعلان کردیا۔

بلوچ یکجہتی کمیٹی کی رہنما ماہ رنگ بلوچ نے اسلام آباد میں نیشنل پریس کلب کے باہر اپنا دھرنا ختم کرنے کا اعلان کرتے ہوئے کہا کہ آج ہم اپنی تحریک کے چوتھے مرحلے کے اختتام کا اعلان کرتے ہیں۔

انہوں نے کہا کہ اس دھرنے کے خاتمے کے ساتھ ہی ہم اپنی تحریک کے پانچویں مرحلے کا اعلان کرتے ہیں۔ اگلے مرحلے میں ہم سوشل میڈیا اور دیگر چینلز کے ذریعے اپنی تحریک کی آواز کو مزید اجاگر کریں گے۔

ماہ رنگ بلوچ نے آئندہ مرحلے کا اعلان کرتے ہوئے مزید بتایا کہ 27 جنوری کو کوئٹہ میں جلسہ منعقد کیا جائے گا۔