لیگی ریلی میں کارکن شیر لے آیا ،نواز شریف کی مذمت

پاکستان مسلم لیگ (ن) کے قائد میاں محمد نواز شریف نے مونی روڈ پر ریلی میں اصلی شیر لانے کا سخت نوٹس لیتے ہوئے فوری یہ شیر واپس بھجوانے کی ہدایت کی جس کے بعد یہ شیر فوری واپس بھجوا دیا گیا۔

قائد محمد نواز شریف نے سختی سے ہدایت کی ہے کہ پورے پاکستان میں کسی بھی ریلی میں اصلی شیر یا کوئی اور جانور نہ لایا جائے۔ دین اسلام اور جانوروں سے متعلق قوانین نے ہمیں جانوروں کے حقوق کے احترام کی تلقین کی ہے۔

واضح رہے کہ تین بار سابق وزیراعظم رہنے والے میاں محمد نواز شریف لاہور کے حلقہ این اے 130 میں انتخابی ریلی  کی قیادت کر رہے تھے ۔