مفت 300 یونٹ بجلی کیلئے بلاول بھٹو کا ساتھ دیں ،آصفہ بھٹو

پاکستان پیپلزپارٹی کی رہنما آصفہ بھٹو زرداری نے پی پی 161 میں ورکرز کنونشن سے خطاب کرتے ہوئے کہا کہ بلاول بھٹو زرداری نے قوم کو ایک منشور دیا ہے جو عوام دوست منشور ہے۔

آصفہ بھٹو  نے کہا کہ 300 یونٹ مفت بجلی چاہتے ہیں تو تیر پر مہر لگائیں، صحت کی سہولت چاہتے ہیں تو بلاول بھٹو کا ساتھ دیں، چاہتے ہیں کہ کسان خوشحال ہوں تو تیر پر مہر لگائیں، آگر بھوک کا خاتمہ چاہتے ہیں تو تیر کو کامیاب کروائیں۔

آصفہ بھٹو زرداری کا کہنا تھا کہ لاہور سے بلاول بھٹو زرداری آپ کا امید وار ہے، بلاول بھٹو نے عوامی منشور دیا ہے، تین سو یونٹ فری بجلی صحت کی مفت سہولیات چاہتے ہے تو بلاول کا ساتھ دیں۔

انہوں نے کہا کہ ملک میں اب نئی سوچ کو پروان چڑھنا چاہیے اس لیے نئے نظریے کے ساتھ بلاول بھٹو کو ووٹ دیں اور تیر پر مہر لگائیں ۔