فلسطینی عوام کے ساتھ شانہ بشانہ کھڑے ہیں ،پاکستان

پاکستان نے فلسطینی عوام کے ساتھ یکجہتی اور حمایت کا اعادہ کیا ہے۔

 ایتھوپیا میں پاکستان کے سفیر عاطف شریف نے عدیس ابابا میں فلسطین کے سفیر فارس القوب سے ملاقات کی اور اس  بات کا اظہار کیا کہ پاکستان ہرمشکل وقت میں فلسطین کےساتھ ہے ، انہوں نے کہا کہ اس مشکل وقت میں فلسطینی بہن بھائیوں کے ساتھ شانہ بشانہ کھڑے ہیں ۔ 

انہوں نے غزہ میں جاری اسرائیلی جارحیت میں ہزاروں بے گناہ فلسطینیوں کی شہادت پر افسوس کا اظہار کیا۔

پاکستانی سفیر نے اپنے قطری ہم منصب سعد مبارک سے بھی ملاقات کی اور باہمی دلچسپی کے امور سمیت مختلف شعبوں میں دوطرفہ تعاون پر تبادلہ خیال کیا ، انہوں نے اہم امور پر رابطہ کاری پر اتفاق کیا۔