الیکشن کمیشن کے ضابطہ اخلاق کیلئے سخت احکامات جاری

لاہور: الیکشن کمشنر پنجاب کی ہدائت پرضابطہ اخلاق پر عمل درآمد کو یقینی بنانے کے لیے مانیٹرنگ ٹیمیں متحرک ہوگئی ہیں۔۔

پنجاب میں ضابطہ اخلاق پر عمل درآمد یقینی بنانے کیلئے الیکشن کمیشن نے سخت اقدامات کا حکم دے دیا ، الیکشن کمیشن کی جانب سے ضابطہ اخلاق کی خلاف ورزی کرنے والوں کے خلاف سخت ترین کارروائی اور جرمانے کا عندیہ بھی دیا گیا ۔ 

این اے 143 ساہیوال سے امیدوار ماجد حسین کو ضابطہ اخلاق کی خلاف ورزی پر 50 ہزار روپے جرمانہ کیا گیا ہے، امیدوار نے ضلعی انتظامیہ سے بغیر اجازت کار ریلی، کارنر میٹنگز اور جلسے کا اہتمام کیا تھا۔

ڈسٹرکٹ مانیٹرنگ آفیسر ساہیوال نے امیدوار کو وارننگ جاری کرتے ہوئے محتاط رہنے کی بھی ہدایت کی۔