استحکام پاکستان پارٹی کا کراچی میں انتخابی جلسے کا اعلان

کراچی:استحکام پاکستان پارٹی (آئی پی پی) نے آئندہ عام انتخابات کے لیے فروری میں کراچی میں عوامی جلسہ منعقد کرنے کے اپنے منصوبے کا اعلان کردیا۔

آئی پی پی سندھ کے صدر محمود مولوی نے کہا کہ پارٹی کے سرپرست اعلیٰ جہانگیر خان ترین اور صدر علیم خان نشتر پارک میں ہونے والے اجتماع سے خطاب کریں گے۔ انہوں نےکہا کہ اس پاور شو کا مقصد کراچی میں آئی پی پی کی مضبوط موجودگی کو ظاہر کرنا ہے۔

محمود مولوی نے مزید کہا کہ ہمیں ہار جیت سے کوئی سروکار نہیں ہے ہم ہاریں یا جیتیں لیکن آئی پی پی کراچی کے لوگوں کے ساتھ کھڑی ہے ۔ 

آئی پی پی سندھ کے سربراہ نے کہا کہ عام انتخابات 2024 کے بعد کوئی ایک جماعت آزادانہ طور پر حکومت بنانے کی اہل نہیں ہوگی۔ انہوں نے مخلوط حکومت کے قیام کی پیش گوئی کی جو ملک کو بحرانوں سے نکالے گی۔

 آئی پی پی سندھ کے صدر نے کہا کہ آزاد امیدواروں نے پارٹی سے رابطہ کیا ہے اور انتخابات میں کامیابی کے بعد شمولیت اختیار کریں گے ۔