پی ٹی آئی کا جھنڈا دلگانے پر باپ نے بیٹے کو قتل کر دیا

پشاور: 8 فروری 2024 کو ہونے والے آئندہ عام انتخابات میں کون سی سیاسی جماعت کا جھنڈا لہرانا ہے اس پر اتفاق نہ ہونے پر باپ نے بیٹے کو قتل کردیا۔

تفصیلات کے مطابق تنازع اس وقت شروع ہوا جب حال ہی میں قطر سے واپس آنے والے بیٹے نے گھر پر پاکستان تحریک انصاف (پی ٹی آئی) کا جھنڈا آویزاں کردیا۔

میڈیا رپورٹس کے مطابق ڈسٹرکٹ پولیس آفیسر نصیر فرید کا کہنا تھا کہ والد نے بیٹے کو گھر پر پی ٹی آئی کا جھنڈا لگانے سے روکا لیکن بیٹے نے اسے اتارنے اور پی ٹی آئی کی حمایت کرنے سے انکار کردیا۔

نصیر نے مزید بتایا کہ لڑائی بڑھ گئی اور غصے میں باپ نے گھر سے بھاگنے سے پہلے اپنے 31 سالہ بیٹے پر پستول چلا دیا۔ بیٹا ہسپتال لے جاتے ہوئے دم توڑ گیا۔

واضح رہے کہ پولیس ملزم والد کو تلاش کر رہی ہے جس کا تعلق قوم پرست عوامی نیشنل پارٹی (اے این پی) سے تھا اور اس نے پہلے اپنا جھنڈا بھی آویزاں کیا تھا۔