الیکشن کمیشن کا ایس ایم ایس سروس شروع کر نے کا اعلان

الیکشن کمیشن نے پیر سے 8300 پر مفت ایس ایم ایس سروس شروع کرنے کا فیصلہ کیا ہے۔

الیکشن کمیشن کے ترجمان سید ندیم حیدر، ایڈیشنل ڈائریکٹر جنرل نگہت صدیقی اور پروجیکٹ مینجمنٹ یونٹ کے پروجیکٹ ڈائریکٹر نے آج صبح سنو ایف ایم نیٹ ورک کے ٹاک شو میں شرکت کرتے ہوئے کیا۔

انہوں نے کہا کہ ووٹر 8300 پر کمپیوٹر ائزڈ شناختی کارڈ نمبر بھیج کر اپنے حلقوں اور پولنگ اسٹیشنز کی تفصیلات معلوم کرسکتے ہیں۔

الیکشن کمیشن کے حکام نے کہا کہ ووٹرز کو ووٹ ڈالنے کے لئے اپنے ساتھ کمپیوٹرائزڈ قومی شناختی کارڈ پولنگ سٹیشن لے کر آنا چاہئے، زائد المیعاد شناختی کارڈ یا نئے شناختی کارڈ ٹوکن کی رسید پر ووٹ ڈال سکتے ہیں۔

ای سی پی حکام نے کہا کہ منصفانہ اور شفاف انتخابی عمل کو یقینی بنانے کیلئے ٹیکنالوجی کا استعمال کرتے ہوئے طریقہ کار ترتیب دیا ہے۔

ایڈیشنل ڈائریکٹر جنرل نگہت صدیقی نے کہا کہ انتخابات کی نگرانی کیلئے بڑی تعداد میں عالمی مبصرین کو بھی مدعو کیا گیا ہے۔