خریداروں کیلئے خوشخبری، سونا مسلسل تیسرے روز ہزاروں روپے سستا، نئی قیمت کیا ہو گئی؟

کراچی: خریداروں کیلئے خوشخبری سامنےآئی ہے ،عالمی و مقامی مارکیٹوں میں سونا مسلسل تیسرے روز سستا ہو گیا ہے۔

آل پاکستان جیمزاینڈجیولرز ایسوسی ایشن کے مطابق مقامی مارکیٹ میں فی تولہ سونا 1469 روپے سستا ہونے کے بعد 4 لاکھ 67 ہزار 816 روپے کا ہو گیا۔

ایسوسی ایشن کے مطابق اسی طرح 10 گرام سونے کے بھاؤ میں 1323 روپے کمی ہوئی جس کے بعد نئی قیمت 4 لاکھ 1 ہزار 12 روپے ہو گئی۔

علاوہ ازاں فی تولہ چاندی کی قیمت 67 روپے کمی کے بعد 7 ہزار 730 روپے پر آ گئی ہے۔

دوسری جانب عالمی بلین مارکیٹ میں سونا 14.69 ڈالر سستا ہو کر 4 ہزار 453 ڈالر فی اونس تک گر گیا۔

خیال رہے کہ گزشتہ روز فی تولہ سونا 1523 روپے سستا ہو گیا جس کے بعد نئی قیمت 4 لاکھ 69 ہزار 285 روپے ہو گئی تھی ۔جبکہ اس سے ایک روز قبل مقامی مارکیٹ میں سونے کی قیمت میں 8 ہزار 600 روپے کی کمی ہوئی تھی۔