سیکیورٹی فورسز کا کلیئرنس آپریشن ،21 دہشت گرد ہلاک

راولپنڈی: بلوچستان کے علاقے  مچھ میں کلیئرنس آپریشن کے دوران سیکیورٹی فورسز نے 21 دہشت گردوں کو ہلاک جبکہ تین کو زخمی حالت میں گرفتار کرلیا ہے ۔سیکیورٹی ذرائع کے مطابق سیکیورٹی فورسز کا مچھ میں دہشت گردوں کے خلاف کلئیرنس آپریشن جاری ہے۔
سیکیورٹی ذرائع نے یہ بھی بتایا کہ  مچھ میں سیکیورٹی فورسز نے بروقت کارروائی کر کے دہشت گردوں کے حملوں کو ناکام بنایا جس کے نتیجے میں وہ بھاگنے پر مجبور ہوئے۔

میڈیا  ذرائع کے مطابق بلوچستان کے علاقے مچھ میں سیکیورٹی فورسز کے کلئیرنس آپریشن کے دوران مزید 12 دہشتگرد ہلاک ہوئے جس کے بعد ہلاک ہونے والے شرپسندوں کی تعداد 21 تک پہنچ گئی ۔

سیکیورٹی ذرائع کے مطابق کلیئرنس آپریشن کے دوران 30 جنوری کو تین خود کش حملہ آوروں سمیت 9 جبکہ 31 کو مزید 12 دہشت گرد ہلاک ہوئے۔