پنجاب بھر کے تعلیمی اداروں میں تعطیلات کا اعلان

عام انتخابات کے لیے پنجاب بھر کے تعلیمی اداروں میں تعطیلات کا اعلان کردیا گیا جبکہ پنجاب کے محکمہ تعلیم نے لاہور کے اسکولوں کے نئے اوقات کا اعلان کیا ہے۔

لاہور میں اسکولوں کے نئے اوقات کا نوٹیفکیشن جاری کردیا گیا، جس کے مطابق لاہور میں اسکولوں کے نئے اوقات یکم فروری سے 15 اپریل تک نافذ العمل رہیں گے۔

حکومت پنجاب کی جانب سے جاری کردہ نوٹیفکیشن کے مطابق لڑکوں کے اسکول صبح 8.30 سے دوپہر 2:30 تک جبکہ لڑکیوں کے اسکول صبح سوا 8 سے دوپہر 15: 2 بجے تک کھلے رہیں گے , نوٹیفکیشن کے مطابق جمعے کو بوائز اسکول سوا 12 اور گرلز اسکول دوپہر 12 بجے بند ہوں گے۔

Important Update: In view of the upcoming general elections on 8th February, Provincial Cabinet has approved that all public and private sector schools, colleges, and universities in Punjab will be closed from Feb 6th to Feb 9th.
9:30 am timing for schools will only be observed…

— Mohsin Naqvi (@MohsinnaqviC42) January 31, 2024

پنجاب میں اسکول، کالجز اور یونیورسٹیز 6 سے 9 فروری تک بند رہیں گے ،  سماجی رابطے کی ویب سائٹ ایکس (ٹوئٹر) پر اپنے بیان میں نگراں وزیراعلیٰ پنجاب محسن نقوی نے کہا کہ عام انتخابات کے لیے پنجاب میں اسکول، کالجز اور یونیورسٹیز 6 سے 9 فروری تک بند رہیں گے ۔ 
 انتخابات کے لیے تعطیلات کا اطلاق تمام سرکاری اور پرائیوٹ تعلیمی اداروں پر ہو گا۔