الیکشن کمیشن نے گجرات کے تین پولنگ اسٹیشنز پر وقت بڑھا دیا

الیکشن کمیشن نے گجرات کے تین پولنگ اسٹیشنز پر وقت بڑھا دیا۔

الیکشن کمیشن نے این اے 62 گجرات اور پی پی 28 گجرات کے تین پولنگ اسٹیشنز پر پولنگ کے وقت میں دو گھنٹے کا اضافہ کیا۔ پولنگ اسٹیشن نمبر 260، 304 اور 338 پر پولنگ کے وقت میں اضافہ کیا گیا۔

الیکشن کمیشن نے اس حوالے سے صوبائی الیکشن کمشنر پنجاب اور ڈی ار او گجرات کو مراسلہ لکھ دیا۔ الیکشن کمیشن نے ڈی آر او کی درخواست پر پولنگ کے وقت میں اضافہ کیا۔

گجرات کے تین پولنگ اسٹیشنز میں شام سات بجے تک پولنگ جاری رہے گی۔