الیکشن 2024: پولنگ کا وقت ختم، ووٹوں کی گنتی شروع

پاکستان کے بارہویں عام انتخابات کیلئے پولنگ کا وقت ختم ہونے کے بعد ووٹوں کی گنتی کا عمل شروع ہو گیا ہے۔

پولنگ صبح 8 بجے سے شام 5 بجے تک بغیر کسی وقفے کے جاری رہی، پولنگ سٹیشنز پر سکیورٹی کے خاص انتظامات کئے گئے جبکہ امن و امان برقرار رکھنے کیلئے پولیس، رینجرز اور پاک فوج کے دستے تعینات رہے۔

عام انتخابات کے دوران قومی اور چاروں صوبائی اسمبلیوں کے 855 حلقوں کیلئے 882 خواتین اور 4 خواجہ سراؤں سمیت ملک کی تاریخ میں سب سے زیادہ امیدواروں نے حصہ لیا جن کی تعداد 17 ہزار 816 ہے۔

گجرات کے 3 پولنگ سٹیشنز پر پولنگ کا وقت بڑھا دیا گیا، پولنگ سٹیشن نمبر 260، 304 اور 338 پر پولنگ کا وقت بڑھایا گیا ہے، پولنگ کا وقت ڈسٹرکٹ ریٹرننگ آفیسر کی درخواست پر بڑھایا گیا۔

لائیو انتخابی نتائج اور دیگر متعلقہ اپ ڈیٹس کے لیے جی این این نیوز اور ویب سائٹ https://gnnhd.tv/urdu پر دیکھ سکیں گے۔