وزیراعظم آج ہری پور کا دورہ کریں گے

تفصیلات کے مطابق دورے کے دوران وزیراعظم بلین ٹری سونامی کی تقریب میں شرکت کریں گے اور اس موقع پر پودا بھی لگائیں گے۔ تقریب میں وفاقی وزرا، مشیراور معاونین خصوصی شریک ہوں گے، وزیراعظم عمران خان ہری پورمیں تقریب سے خطاب بھی کریں گے۔ وزیراعظم اس موقع پر اقوام متحدہ کے ماحولیات پروگرام کی رپورٹ پر بھی بریفنگ لیں گے۔

علاوہ ازیں  وزیراعظم عمران خان نے اسلام آباد میں  آج 2اہم اجلاس بھی  طلب کررکھے ہیں ۔ وزیراعظم قومی رابطہ کمیٹی ہاؤسنگ اوراربن راوی ریور منصوبے سے متعلق اجلاسوں ‏کی صدارت کریں گے۔وزیراعظم کواین سی سی ہاؤسنگ میں سستے گھروں کی تعمیرسے متعلق آگاہ کیا جائے ‏گا۔ کتنے گھر بن چکے، کتنے بننے والے ہیں ، وزیراعظم کو آگاہ کیا جائے گا جبکہ وزیراعظم کوگھروں کی تعمیرکیلئےقرضوں کی فراہمی سے متعلق بھی بریفنگ دی ‏جائے گی۔اربن راوی ریورمنصوبے سے متعلق اجلاس میں اہم فیصلے متوقع ہیں۔ وزیراعظم  عمران خان کومنصوبے کی تکمیل اور درپیش مشکلات سےمتعلق آگاہ کیا جائیگا۔