روس کی عدالت کا ٹک ٹاک کوڈیڑھ ملین روبل جرمانہ

غیر ملکی خبر رساں ادارے  کے مطابق روس کی عدالت نے مشہور ویڈیو شیئرنگ ایپ  ٹک ٹاک کوڈیڑھ ملین روبل جرمانہ کردیا ہے۔روسی عدالت نے  ٹک ٹاک کو جرمانہ ممنوعہ مواد نہ ہٹانے پر کیا ہے۔

اس سے قبل   روس کی عدالتیں گوگل کو بھی ساڑھے تین ملین روبل جرمانہ کر چکی ہے۔

خیال رہے کہ روسی حکومت نے  گوگل اور فیس بک کو بھی  ممنوعہ مواد کو اپنے پلیٹ فارم سے نہ ہٹانے پر جرمانہ عائد کیا تھا۔ روس کے مواصلاتی ادارے نے  گوگل کو ممنوعہ مواد کو ہٹانے  کے لئے چوبیس گھنٹے کا وقت دیا تھا۔

غیر ملکی خبر رساں ادارے  کے مطابق ، فیس بک پر 26 ملین روبل جرمانہ عائد کیا گیا جبکہ گوگل سے کہا گیا کہ وہ 6 ملین روبل  ادا کرے۔ روسی عدالت نے 2ملین  روبل کے تین الگ الگ جرمانے جاری کیے تھے۔