آج فارم 45 اور فارم 47 والوں کا مقابلہ ہے، علی محمد خان

پاکستان تحریک انصاف کے رہنما علی محمد خان نے کہا کہ آج فارم 45 اور فارم 47 والوں کا مقابلہ ہے، جعلی مینڈیٹ سے عارضی جیت تو مل جائے گی لیکن آخری میں جیت حق ہی کی ہو گی۔

پارلیمنٹ ہاؤس میں گفتگو کرتے ہوئے علی محمد خان نے کہا کہ چھوٹے صوبے سے صدارتی امیدوار منتخب کرکے یہ پیغام دیا کہ بانی چیئرمین پی ٹی آئی عمران خان پورے ملک کے لیڈر ہیں۔

انہوں نے کہا کہ ایک دن حق کی جیت ہو گی، عوام کی ہو گی، ایک دن عمران خان یہاں آئیں گے اور حقیقی وزیر اعظم کے طور پر اپنا حلف اٹھائیں گے۔