حلیم عادل شیخ کا چیف الیکشن کمشنر کو اِنک ریموور بھجوانے کا فیصلہ

پی ٹی آئی سندھ کے صدر حلیم عادل شیخ نے چیف الیکشن کمشنر کو اِنک ریموور بھجوا دیئے۔

پی ٹی آئی رہنما حلیم عادل شیخ نے کہا کہ فارم 45 میں وائٹو کے استعمال سے بدنامی ہورہی ہے، نقل کے لیے بھی عقل کی ضرورت ہوتی ہے، چیف الیکشن کمشنر عرف چیف سیلکشن کمشنر کو بذریعہ ڈاک اِنک ریموور بھجوائے ہیں۔

الیکشن کمیشن کا فارم 45 پر whiteout ( وھائیٹو ) فارمولا تو ناکام ہوگیا اسی لئے میں اب چیف الیکشن کمشنر عُرف چیف سیلیکشن کمشنر کو Ink remover بھجوا رہا ہوں ۔
جعل سازی کیلئے وھائٹو کی بجائے ink remover استعمال کریں شاید آپکی بدنامی کُچھ کم ہو ۔ #مینڈیٹ_پر_ڈاکہ_نامنظور pic.twitter.com/YXU9qRgNkK

— Haleem Adil Sheikh (@HaleemAdil) March 6, 2024

حلیم عادل شیخ نے الزام عائد کیا کہ ان کے 84 ہزار ووٹ تبدیل کرکے 36 ہزار کیے گئے اور ایم کیو ایم کے امیدوار صادق افتخار کے 10 ہزار ووٹ 54 ہزار کردیے گئے۔

انہوں نے کہا کہ گزشتہ روز الیکشن کمیشن نے ویب سائٹ پر فارم 45 جاری کیے تھے جو بعد میں ڈیلیٹ کر دیئے گئے، میرے حلقے این اے 238 کے فارم 45 پر وائٹو کا استعمال کرکے ووٹوں کو تبدیل کیا گیا۔

انہوں نے مزید کہا کہ وائٹو کے استعمال سے پورا ادارہ بدنام ہورہا ہے، وائٹو کا فارمولا ناکام ہوگیا ہے اب اِنک ریموور استعمال کریں، اگر ان کے پاس انک ریموور ہوتا تو یہ جعل سازی اور دو نمبری آسانی سے ہو جاتی

حلیم عادل نے چیف الیکشن کمشنر اور ممبران پر آرٹیکل 6 لگانے کا مطالبہ کیا