سرگودھا یونیورسٹی میں دوسری انٹرنیشنل کانفرنس کا انعقاد

سرگودھا : سرگودھا یونیورسٹی میں ہونے والی دوسری انٹرنیشنل کانفرنس میں "زبان یارِ من ترکی" کی تقریب رونمائی و پذیرائی کا انعقاد کیا گیا۔ 

تقریب کی صدارت پروفیسر ڈاکٹر اعجاز اصغر  نے کی جبکہ ڈاکٹر   وائس چانسلرقیصر عباس بطور  مہمان خصوصی شریک ہوئےان کے علاوہ  پروفیسر ڈاکٹر غلام عباس، ڈین فیکلٹی آف آرٹس اینڈ ہیومینٹیز بھی اس موقع پر موجود تھے ۔ 

تقریب سرگودھا یونیورسٹی کے آڈٹیوریم میں منعقد ہوئی ، اس تقریب کی صدارت پروفیسر ڈاکٹر اعجاز اصغر  نے کی جس میں مختلف شعبہ ہائے زندگی سے بہت سے معززین نے شرکت کی۔ اس میں سرگودھا یونیورسٹی اور لاہور یونیورسٹی سرگودھا کیمپس کے طلبہ اور طالبات کی بڑی بھاری تعداد نے شرکت کی ۔

پروفیسر ڈاکٹر اعجاز  اصغر نے ترکی اور پاکستان کے دیرینہ سماجی، سیاسی ثقافتی تعلقات کی اہمیت کو اجاگر کیا .

ڈین اردو  اور آرٹس ڈیپاٹمنٹ جناب پروفیسرڈاکٹر غلام عباس  نے کتاب کے حوالے سے اپنے خصوصی خطاب میں کہا کہ "زبانِ یارِ من ترکی "، ترکی کے حیرت انگیز سفر پر مبنی یہ کتاب پاکستان اور ترکی کے درمیان عمیق تعلقات کی عکاسی کرتی ہے اور ڈاکٹر تصور بھٹہ کا قلم تاریخ، ثقافت اور دونوں ممالک کے مابین گہرے جذباتی بندھن کو نمایاں کرتا ہے۔

"زبانِ یارِ من" محض ایک کتاب نہیں بلکہ دو قوموں کے درمیان موجود بے پناہ محبت، احترام اور باہمی اشتراک کی ایک زندہ مثال ہے۔ اس سفرنامے کے ذریعے، مصنف نے ترکی کی زمینوں پر اپنے قدم رکھنے کے لمحات کو بیان کیا ہے، جہاں ہر گوشہ، ہر بستی اور ہر شہر پاکستان اور ترکی کے مابین دیرینہ دوستی کی کہانیاں سناتا ہے۔

اس کتاب کا اجراء پاکستان اور ترکی کے تعلقات میں ایک نیا باب رقم کرنے کا سبب بنے گا، جو کہ ایک دوسرے کی ثقافت، تاریخ اور عوام کے مابین محبت اور احترام کو مزید مضبوط بنائے گا۔ "زبانِ یارِ من" کے ذریعے، قارئین کو نہ صرف ترکی کی خوبصورتی اور اس کی غنی ثقافت کا تجربہ ہوگا بلکہ انہیں یہ بھی معلوم ہوگا کہ کس طرح دونوں ممالک اپنی مشترکہ تاریخ اور مقاصد کے ساتھ آگے بڑھ رہے ہیں۔"

تقریب کے اختتام  میں ڈاکٹر تصور اسلم بھٹہ نے تمام شرکاء کا شکریہ بھی  ادا کیا۔ تقریب کے اختتام  میں تمام مہمانان گرامی میں شیلڈ بھی تقسیم کی گئیں.