این ڈی ایم اے نے موسم کی صورتحا ل پر خبردار کردیا

این ڈی ایم اے نے ملک بھر میں موسم کی صورتحال کے حوالے سے نئی ایڈوائزری جاری کر دی ہے۔
این ڈی ایم اے کی ایڈوائزری کے مطابق بلوچستان کے بیشتر علاقے بدستور مغربی ہواؤں کے زیر اثر ہیں اور مغربی ہواؤوں کا سسٹم آج سے بالائی علاقوں تک پھیلنے کا امکان ہے۔

ایڈوائزری کے مطابق ملک کے زیادہ تر حصوں میں سرد اور خشک موسم کی توقع ہے، اور 9 سے10 مارچ کے دوران زیادہ تر حصوں میں ابرآلود موسم کی توقع ہے۔

بلوچستان کے مغربی حصوں میں ہلکی سے درمیانی بارش متوقع ہے اور جی بی، کشمیر اور پوٹھوہار میں بھی ہلکی سے درمیانی بارش کا امکان ہے۔