کراچی کنگز نے کوئٹہ گلیڈی ایٹرز کو 7 وکٹوں سے شکست دے دی

راولپنڈی: بدھ کو راولپنڈی اسٹیڈیم میں کراچی کنگز نے کوئٹہ گلیڈی ایٹرز کو 7 وکٹوں سے شکست دے دی ، یہ پاکستان سپر لیگ (پی ایس ایل) سیزن 9 کا 22 واں میچ تھا جو دوپہر 2 بجے شروع ہوا۔

کوئٹہ گلیڈی ایٹرز کا کوئی کھلاڑی خاطر خواہ کارکردگی دکھانے میں کامیاب نہ ہو سکا اور پوری ٹیم 118 رنز پر ڈھیر ہو گئی۔ کراچی کنگز نے 119 رنز کا ہدف 16ویں اوور میں 3 وکٹوں کے نقصان پر حاصل کر لیا۔

کپتان شان مسعود آؤٹ ہونے سے قبل صرف 7 رنز بنا سکے جب کہ جیمز ونس نے 27 رنز کی اننگز کھیلی اور ٹام بینٹن 49 رنز پر ناٹ آؤٹ رہے۔ شعیب ملک نے 27 اور عرفان خان نیازی نے 4 رنز بنائے لیکن ناٹ آؤٹ رہے۔

کوئٹہ گلیڈی ایٹرز کی جانب سے سعود شکیل نے 33 رنز کی اننگز کھیلی، جیسن رائے 15، خرم نواز 17، کپتان ریلی روسو 10 اور عقیل حسین 14 رنز بنانے میں کامیاب رہے جب کہ 6 کھلاڑی ڈبل فیگر میں بھی داخل نہ ہو سکے۔

سابق کپتان سرفراز احمد نے 7، شیرفین ردرفورڈ 9، محمد عامر 2، محمد حسنین 5 اور عثمان طارق آؤٹ ہونے سے قبل صرف ایک رن بنا سکے جب کہ ابرار احمد صرف ایک رن بنا کر ناٹ آؤٹ رہے۔

کراچی کنگز کی جانب سے حسن علی نے تباہ کن باؤلنگ کا مظاہرہ کرتے ہوئے 4 اوورز میں 15 رنز دے کر کوئٹہ گلیڈی ایٹرز کے کھلاڑیوں کی 4 وکٹیں حاصل کیں۔ برکت مزارانی نے 2، زاہد محمود نے 2 اور میر حمزہ نے ایک وکٹ حاصل کی۔