ڈی آئی جی آپریشنز علی ناصر رضوی نے عہدے کا چارج چھوڑ دیا

ڈی آئی جی آپریشنز علی ناصر رضوی نے عہدے کا چارج چھوڑ دیا۔

پنجاب حکومت نےعلی ناصر رضوی کی خدمات وفاق کے سپرد کرنے کا نوٹیفکیشن جاری کردیا۔

علی ناصر رضوی کا کہنا تھا کہ پولیس کے افسران و جوانوں نے دلجمعی سے فرائض سرانجام دیئے،پولیس افسران و جوانوں سے ملنے والی محبت پر مشکور ہوں۔

پولیس افسران کےمطابق سید علی ناصر رضوی نےSIPS کے تحت تھانوں کی اپ گریڈیشن سمیت پولیس اہلکاروں کی ویلفیئر میں بنیادی کردار ادا کیا، لاء اینڈ آرڈر اور سیکیورٹی انتظامات کے حوالے سے ڈی آئی جی سید علی ناصر رضوی کو سب سے آگے پایا۔

سی پی او ذرائع کے مطابق ڈی آئی جی آپریشنز علی ناصر رضوی اسلام آباد روانہ ہو گئے ہیں۔یاد رہے کہ علی ناصر رضوی کی بطور اسلام آباد آئی جی تعیناتی کا نوٹیفکیشن 30 مارچ کو جاری ہوا تھا۔