شواہد کی کمی: شہزاد پر تیزاب پھینکنے کا کیس برطانیہ میں بند

پاکستان تحریک انصاف کے رہنما و سابق مشیر داخلہ شہزاد اکبر کیخلاف برطانیہ میں تیزاب پھینکنے کا مقدمہ شواہد نہ ملنے کے باعث بند کر دیا گیا۔

ہرٹ فورڈ شائر پولیس اور انٹیلی جنس حکام نے تصدیق کی ہے کہ شواہد کی کمی کی وجہ سے کیس بند کر دیا گیا ہے۔

شہزاد اکبر کے کہنا تھا کہ پولیس نے تحقیقات بند تو کر دیں مگر قانونی کارروائی کروں گا۔ شہزاد اکبر نے گزشتہ ہفتے حملے کا ذمہ دار حکومت پاکستان کو ٹھہرا کر قانونی کارروائی کا اعلان بھی کیا تھا۔

پولیس کا کہنا ہے کہ شہزاد اکبر کے گھر آنے اور جانے والے راستے کی کئی گھنٹوں کی فوٹیج کا جائزہ لینے کے باوجود ملزم کا سراغ نہیں مل سکا۔

واضح رہے کہ شہزاد اکبر نے گزشتہ سال 26 نومبر کی شام لندن کے قریب تیزاب پھینکنے کی شکایت کی تھی۔ انہیں پاکستانی حکام کی جانب سے القادر ٹرسٹ کیس سے متعلق معلومات فراہم کرنے کا خط بھی موصول ہوا تھا۔