جعلی آرڈر پر بھرتی ہونے والے استاد کو 20 سال قید کی سزا

جعلی آرڈر پر سرکاری میں نوکری حاصل کرنے والے استاد کو نوکری سے برطرف کر کے سزا سنا دی گئی ہے۔

پنجاب سے ضلع سرگودھا میں جعلی دستاویزات کی بنا پر بھرتی ہونے والے استاد کو نوکری کرنا مہنگا پڑ گیا ہے، سرکاری اسکول ٹیچر کے لیے مشکل بڑھ گئی ہے۔

سرگودھا کے اسپیشل انسداد کرپشن کورٹ کی جانب سے جعلی بھرتی اور جعلی آرڈر کے حوالے سے کیس کی سماعت کی گئی تھی۔ اس سماعت کے دوران عدالت نے سرکاری اسکول میں بھرتی استاد کو 20 سال قید کی سزا سنائی ہےجبکہ قید کی سزا کے ساتھ ساتھ ملزم کو 4 لاکھ روپے جرمانے کی بھی سزا سنائی ہے۔

محکمہ انسداد کرپشن پنجاب کی جانب سے جاری بیان کے مطابق ملزم سرکاری ہائی سکول شیخ محمود والا میانوالی میں بھرتی ہوا تھا،محکمے کی جانب سے بتایا کیا گیا کہ ملزم اب تک 21 لاکھ روپے سے زائد تنخواہ کی مد میں وصول کر چکا ہے۔