پاکستان پولیو پروگرام کے سربراہ ڈاکٹر شہزاد بیگ مستعفی

پاکستان پولیو پروگرام کے سربراہ ڈاکٹر شہزاد بیگ مستعفی ہوگئے۔

ڈاکٹر شہزاد بیگ نے نیشنل کوآرڈینیٹر برائے پولیو کے عہدے سے مستعفی ہونے کی ذاتی وجوہات بیان کی ہیں۔

اطلاعات کے مطابق حکومت نے چند روز قبل پولیو پروگرام کے لیے حکومتی عہدے دار لانے کا فیصلہ کیا تھا جب کہ ڈاکٹر شہزاد بیگ کو پاکستان میں پولیو کے پھیلاؤ پر شدید تنقید کا سامنا تھا۔

رواں سال ملک میں 153 پولیو پازیٹو سیوریج سیمپلز رپورٹ ہوئے اور 3 پولیو کیسز رپورٹ ہو چکے ہیں جبکہ ملک کے 139 اضلاع کی سیوریج پولیو وائرس سے آلودہ ہے۔

میڈیا رپورٹس کے مطابق 2022 میں جنوبی خیبرپختونخوا میں پولیو نے وبائی صورت اختیار کی ہے، ڈاکٹر شہزاد کے دور میں پولیو وائرس نے وبائی شکل اختیار کی، وہ افغانستان سے پاکستان پولیو وائرس منتقلی روکنے میں ناکام رہے۔

واضح رہے کہ ڈاکٹر شہزاد بیگ کا نام ٹایم میگزین کی 2024ء کی عالمی رہنماؤں کی فہرست میں شامل کیا گیا ہے۔ عالمی سطح پر یہ نامزدگی ڈاکٹر شہزاد بیگ کی قیادت اور پولیو کے خاتمے کے لیے کی گئی کوششوں کا اعتراف ہے۔