بجلی بلوں کی ایڈجسٹمنٹ اگلے تین مہینوں میں لاگو ہوگی، وزیر توانائی

توانائی کے وزیر سردار اویس لغاری نے کہاہے کہ نیپرا سہ ماہی بنیادوں پر بجلی کے نرخوں میں ایڈجسٹمنٹ کرتی ہے جو آئندہ تین ماہ کے بلوں پر لاگو ہوتی ہے ۔

 ایک بیان میں انہوں نے کہاکہ موجودہ مالی سال24-2023 کی دوسری سہ ماہی کیلئے ایڈجسٹمنٹ 2.75 تھی جو اپریل، مئی اور جون میں وصول کی جائے گی ۔

وفاقی وزیر نے کہاکہ نیپرا نے دوسری سہ ماہی کی ایڈجسٹمنٹ طے کی ہے جو اگلے تین مہینوں میں لاگو ہوگی ۔

یہ ایڈجسٹمنٹ آئندہ ماہ کیلئے ایک اعشاریہ نو صفر ہوگی لیکن جولائی اور اگست کیلئے یہ صفر اعشاریہ نو تین رہے گی۔

انہوں نے مزید کہاکہ جولائی اور اگست کے بلوں میں سہ ماہی ایڈجسٹمنٹ کی کل لاگت 4۔65 سے کم ہوکر 0.93 روپے تک آجائے گی جو 3.72روپے کی کمی کو ظاہر کرتی ہے۔