ملکی مسائل کے حل کے لیےسابق صدر ڈاکٹرعارف علوی  کا سات نکاتی فارمولہ

سابق صدرڈاکٹرعارف علوی نے ملکی مسائل کے حل کے لیے مفاہمت اور معافی کا مشورہ دے دیا۔ 

پاکستان تحریک انصاف کے رہنما اور سابق صدر پاکستان ڈاکٹر عارف علوی نے سماجی رابطہ کی ویب سائٹ ایکس(X) پر  ٹویٹ کرتے ہوئے ملک کے سیاسی، معاشی، عدالتی اور سماجی مسائل کے حل کے لیے سات نکاتی ایجنڈہ ہیش کر دیا ۔ 

Today I have tried to present a 7-point possible path to a solution of the national political, economic, judicial & social crisis.

1- It is essential that all stakeholders should be on the table.
2- Zoom out, go to the balcony, have a bird's eye view of the problem, understand…

— Dr. Arif Alvi (@ArifAlvi) June 1, 2024

سابق صدرڈاکٹر  عارف علوی نےاپنے ذاتی ایکس ( ٹویٹر) اکاؤنٹ سے کیے گئے ٹویٹ میں لکھا:
1) یہ وقت کی ضرورت ہے کہ تمام سٹیک ہولڈرز ایک میز پر جمع ہوں ۔ 
2) اپنی سوچ کو وسیع کریں۔ باہر بالکونی میں نکلیں۔ ملکی مسائل پر ایک طائرنہ نظر ڈالیں اور معاملے کی سنگینی کو سمجھیں۔ 
3) جزبات، غصے اور  اناکو کم کریں۔ 
4) بھلائی کریں اور بھلائی کی امید رکھیں۔ انہوں نے کہا کہ ملک کے وسیع تر مفاد میں کوئی کسی کا دشمن نہیں ہے ، معاف کریں اور آگے بڑھیں۔ 
5) ایک دوسرے کے اختلافات کو سمجھیں ، انہوں نے کہا کہ ایک  دوسرے کی رائے سمجھیں اور اس کو سمجھتے  ہوئے اس کو حل کرنے کی کوشش کریں ۔ 
6)گفت و شنید سے مفاہمت کے رستے نکالیں ، سابق صدر نے کہا کہ تمام سیاسی پارٹیوں کو ملک میں سیاسی استحکام لانے کی اشد ضرورت ہے ۔ 
7) سوچ کو مرکوز کریں اور مسائل حل کریں ، انہوں نے کہا کہ ملکی مسائل پر بات کریں اور اس کو حل کرنے میں کردار ادا کریں ۔ 
سابق صدر پاکستان ڈاکٹر عارف علوی نے آخر میں لکھا کہ پہلے دوا کر لیں پھر دعا کریں کہ اللہ مہربانی فرمائے۔