پنجاب بھر میں منشیات فروشوں کے خلاف کریک ڈاؤن جاری

وزیر اعلیٰ پنجاب مریم نواز کی ہدایت پر صوبہ بھر میں منشیات فروشوں کے خلاف کریک ڈاؤن کامیابی سے جاری ہے۔ 

لاہور سمیت صوبہ بھر میں پولیس ٹیموں نے ایک ہی دن میں 313 چھاپے مارے ، جس کے نتیجے میں ملزمان کے قبضہ سے 70 کلو چرس اور 1960 لٹر شراب برآمد کر لی گئی ۔ 

گذشتہ 03 ماہ میں صوبہ بھر میں منشیات فروشوں کے اڈوں پر 28 ہزار سے زائد چھاپے  مارے گئے، جس کے نتیجہ میں منشیات فروشی میں ملوث 13 ہزار 862 ملزمان گرفتار جبکہ 13 ہزار 252  مقدمات درج کیے گئے۔ 

پچھلے تین ماہ میں کیے گئے کریک ڈاؤن کی بدولت ملزمان کے قبضہ سے 8300 کلوگرام سے زائد چرس، 40 کلو سے زائد خطرناک ترین نشہ آئس ، 145 کلو ہیروئن، 267 کلو افیون اور شراب بھی برآمد کی گئی۔ 

آئی جی پنجاب نے صوبہ بھر میں منشیات کے قلع قمع کیلئے پنجاب پولیس کو اے این ایف اور دیگر اداروں کے ساتھ مل کر مشترکہ  انٹیلی جنس بیسڈ آپریشنز میں تیزی کا حکم جاری کر دیا۔ 

آئی جی پنجاب ڈاکٹر عثمان انور نے حکم جاری کیا کہ منشیات کی سپلائی چین میں ملوث اسمگلرز ، ڈیلرز اور سپلائرز کو قانون کی گرفت میں لا کر قرار واقعی سزائیں دلوائی جائیں۔