ملک بھر میں خسرہ کے مریضوں میں اضافہ، مزید 2 بچے زندگی کی بازی ہار گئے

لاہورسمیت ملک بھر میں خسرہ کے کیسز کا سلسلہ بدستور جاری ہے ۔گزشتہ 24گھنٹوں میں پنجاب میں خسرہ سے متاثرہ 2بچے زندگی کی بازی ہار گئے۔

محکمہ صحت پنجاب کی جانب سے بتایا گیا ہے کہ ملک بھر میں خسرہ سے جاں بحق ہونے والے بچوں کی تعداد26 ہو گئیہے۔

گزشتہ روز صوبہ بھر میں خسرہ کے مشتبہ151کیسز رپورٹ ہوئےہیں۔ جس میں لاہور سے 43، گوجرانوالہ سے 21، رحیم یار خان سے 35، وہاڑی سے47مبینہ مریض رپورٹ ہوئےہیں ، پنجا ب میں خسرہ سے متاثرمریضوں کی تعداد 3389ہو گئی ہے۔

یاد رہے کہ پتوکی میں خسرہ سے جاں بحق ہونے والے بچوں کی تعداد 9ہوگئی تھی ،گزشتہ ہفتے وزیراعلیٰ پنجاب مریم نواز نے خسرہ وباء کے حوالے سے نوٹس لیا تھا، صوبائی وزراء خواجہ عمران نذیر اور سلمان رفیق نے پتوکی کا ہنگامی دورہ کیا اور خسرہ آئیسولیشن وارڈ میں زیر علاج بچوں کی خیریت دریافت کی تھی۔