وزیر اعلیٰ پنجاب مریم نواز کی دارالامان کی 10 خواتین سے حج کے موقع پر ملاقات

وزیراعلیٰ پنجاب مریم نوازشریف نے  دارلامان  میں مقیم 10خواتین کو حج پر بھیجنے سے پہلے ان سے  ملاقات کی ، پاکستان مسلم لیگ ن  کے قائد میاں محمد نوازشریف بھی بزرگ خواتین کو ان کی  خواہش پرملنے کیلئے گئے ۔ 

وزیر اعلیٰ پنجاب  مریم نوازشریف نے10 بزرگ خواتین کیلئے حج کے انتظامات کی خصوصی ہدایت بھی کی وزیر اعلیٰ مریم نوازشریف نے  دارلامان  میں مقیم 10خواتین کو حج پر بھیجنے والی خواتین سے  ملاقات میں اظہار تشکرکیااوربہت سے دعائیں دیں ۔

 وزیراعلیٰ کا کہنا تھا بزرگ خواتین ہماری ماؤں جیسی ہیں، ان کا بہت خیال رکھا جائےاور مریم نواز نے تمام بزرگ خواتین سے کہا پاکستان کے لئے بہت سے دعائیں کریں، انہوں نے کہا اللہ تعالیٰ وطن عزیز کی خیر کرے۔ اس موقع پر میاں محمد نواز شریف کا کہنا تھا مزدور کومعاشی طور پر اوپر اٹھائیں گے، غریب کا اچھا وقت آگیا ہے ہماری حکومت میں خلل نا آتا تو غربت اور بے روزگاری ختم ہو جاتی۔

اس مولاقات میں حج پر جانے والی بزرگ خواتین کا کہنا تھا کبھی سوچا بھی نہیں تھا کہ حج پر جا سکوں گیزینب بی بی آبدیدہ ہو گیئں ۔ فریدہ رحمت علی کا کہنا تھا کہ  ہمارا کوئی سہارا نہیں تھا اللہ تعالی نے آپ کو وسیلہ بنا کر بھیج دیا ۔ امیر جہاں کاکہنا تھا اللہ نے اپنے گھر بلایا اللہ بہت برا مسبب الاسباب  ہے۔بحت مینا کا کہنا تھا مریم نواز نے ایسے برتاؤ کیا جیسے ہماری بیٹی ہو، نسیم اختر نے کہا کہ میاں  محمد نوازشریف ہمارے ملک کے معمار ہیں ان سے ملنے کی بہت خواہش تھی۔ عفت سلطانہ نے کہا  آپ ہمارے سر پر چادر کی مانند ہیں، یہ چادر پہلے سرک گئی تھی ۔