سوات میں اسکول بس کو حادثہ،ایک بچہ جاں بحق جبکہ 30 بچے زخمی

سوات کے علاقے خوازہ خیلہ میں اسالہ کے مقام پر نجی اسکور کی بس کھائی میں جاگری۔

ریسکیو اہلکاروں کے مطابق بس حادثے کے نتیجے میں 30 بچے زخمی ہوگئے جبکہ ایک جاں بحق ہوگیا۔ زخمیوں کو فوری طبی امداد فراہم کرنے کیلئے خوازہ خیلہ اسپتال منتقل کردیا گیا ہے۔

پولیس کا کہنا ہے کہ بس موڑ کاٹتے ہوئے بریک فیل ہونے کی وجہ سے کھائی میں گری۔

دوسری جانب ڈپٹی کمشنر سوات جنید خان حادثےکانوٹس  لیتے ہوئے اسسٹنٹ کمشنر خوازہ خیلہ سے رپورٹ طلب کرلی۔ ڈپٹی کمشنر نے وین کی حالت، فٹنس سرٹیفیکٹ سمیت دیگر تفصیلات بھی طلب کی ہیں۔

ڈپٹی کمشنر نے واضح کیا کہ اگر وین کا فٹنس سرٹیفکیٹ نہیں ہوا تو اسکول انتظامیہ کے خلاف قانونی کارروائی عمل میں لائی جائے گی۔