انسداد پولیو مہم سوموار سے شروع کی جائے گی ، محکمہ صحت

لاہور، راولپنڈی، بہاولپور، لودھراں، مظفر گڑھ اور گوجرانوالہ کے چھ انتہائی حساس اضلاع میں انسدادِ پولیو کی سات روزہ خصوصی مہم پیر سے شروع ہو گی۔مہم کے دوران پچاس لاکھ سے زائد بچوں کو پولیو سے بچائو کے قطرے پلائے جائیں گے۔

پانچ روزہ انسداد پولیو مہم خیبرپختونخوا کے گیارہ اضلاع میں پیر سے شروع ہوگی۔خیبرپختونخوا کے ہنگامی مرکز کے مطابق پولیو مہم صوابی، سوات، ٹانک، شمالی وزیرستان، جنوبی وزیرستان اپر اور جنوبی وزیرستان میں منعقد کی جارہی ہے جبکہ ڈیرہ اسماعیل، پشاور کرم، بنوں اور لکی مروت کے اضلاع کی منتخب یونین کونسلوں میں جزوی طور پر منعقد کی جارہی ہے۔انسداد پولیو مہم کے دوران پانچ سال تک کی عمر کے تیرہ لاکھ بچوں کو پولیو کے قطرے پلائے جائینگے۔

کراچی سمیت سندھ کے سولہ اضلاع میں سات روزہ خصوصی انسدادِ پولیو مہم پیر سے شروع ہو گی۔مہم کے دوران پانچ سال سے کم عمر تقریباً 47 لاکھ بچوں کو پولیو سے بچائو کے قطرے پلائے جائیں گے۔