بانی پی ٹی آئی کا آل پاکستان کانفرنس میں شرکت کا فیصلہ

بانی تحریک انصاف (پی ٹی آئی) نے بھی وزیراعظم کی آل پارٹیز کانفرنس میں شرکت کا فیصلہ کر لیا۔

بانی چیئرمین پی ٹی آئی عمران خان نے کہا کہ ملک کی خاطر اے پی سی میں شرکت کا فیصلہ کیا ہے۔ انہوں نے کہا کہ اے پی سی میں شریک ہو کر حکومت کا موقف سنیں گے۔

یاد رہے کہ گزشتہ روز قازقستان سے وطن واپسی پر وزیراعظم شہباز شریف نے آل پارٹیز کانفرنس (اے پی سی) بلانے کا فیصلہ کیا تھا۔ ذرائع کے مطابق وزیر اعظم کی وطن واپسی کے بعد آل پارٹیز کانفرنس کی تاریخ اور وقت کا تعین کیا جائے گا، شہباز شریف آپریشن عزم استحکام پر تمام سیاسی جماعتوں کو اعتماد میں لیں گے۔

خیال رہے کہ آپریشن عزم استحکام کے حوالے سے اپوزیشن جماعتیں شدید تحفظات کا اظہار کر چکی ہیں جبکہ تحریک انصاف سمیت دیگر جماعتوں نے حکومت سے مطالبہ کیا تھا کہ اس آپریشن کے خدوخال کو واضح کیا جائے اور تمام جماعتوں کو اعتماد میں بھی لیا جائے۔