شوگر اسکینڈل: ایف آئی اے نے شہباز شریف کو 22 جون کو طلب کر لیا

  ذرائع کے مطابق صدر مسلم لیگ ن اور قائد حزب اختلاف  شہباز شریف  کو ایف آئی اے  کو تمام دستاویزات ساتھ لانے کی ہدایت کردی ۔ایف آئی اے حکام کے مطابق ایف آئی اے کو شہبازشریف کے شوگر اسکینڈل میں ملوث ہونے کے شواہد ملے تھے ۔ ایف آئی اے کے مطابق  کہ  ذاتی حیثیت میں پیش نہ ہونے پر گرفتار یا قانونی کاروائی کی جا سکتی ہے۔

واضح رہے کہ ایف آئی اے لاہور گزشتہ سال سے اربوں روپے کے شوگر اسکینڈل کی تحقیقات کررہی ہے۔ایف  آئی اے لاہور نے گزشتہ نومبر میں شوگر اسکینڈل میں جہانگیر ترین، ان کے بیٹے علی ترین، مسلم لیگ (ن) کے صدر شہباز شریف، ان کے بیٹے حمزہ اور سلیمان شہباز اور دیگر کے خلاف منی لانڈرنگ، فراڈ اور دیگر الزامات کے تحت مقدمات درج کیے تھے۔