کراچی: ایکسپو سنٹر میں کورونا ویکسین کی قلت

 تفصیلات کے مطابق کراچی میں بھی ویکسین کی کمی  کا مسئلہ سامنے آگیا ہے،   ایکسپو سنٹر میں  چینی ویکسین کی قلت ہوگئی  اور آنے والے نوجوان ویکسی نیشن کے بغیرواپس لوٹنے لگے ۔ طبی عملے کے مطابق سائنو فارم، سائنوویک اور کین سائنو ویکسین موجود نہیں، صرف 40 سال سے زائد عمر کے افراد کو آسٹرازینیکا افراد کو آسٹرازینیکاویکسی نیشن  لگائی جا رہی ہے۔،ای پی آئی حکام کے مطابق دوسرےسنٹرزسےچینی ویکسین منگواکرلگوانےکی کوشش کررہےہیں۔

خیال رہے کہ  گزشتہ روز لاہور میں کورونا ویکسین کی قلت کا معاملہ سامنے آیا تھا اورکورونا ویکسین ختم ہونے پر  لاہور کے ایکسپو سینٹر کے باہر شہریوں کا رش  دیکھا گیا   ۔ذرائع کے مطابق  پنجاب کے دوسرے شہروں میں بھی ویکسین کا 3 روز کا اسٹاک رہ گیا ہے اور محکمہ صحت پنجاب نے مزید ویکسی نیشن کی ڈیمانڈ کردی ہے۔

دوسری جانب وزیر صحت پنجاب ڈاکٹر یاسمین راشد کا کہنا ہے کہ صوبے بھر میں کورونا ویکسین کی کمی نہیں ہے ، تمام اضلاع میں ویکسین کی وافر مقدار موجود ہے ۔عوام کو پریشان ہونے کی  ضرورت نہیں،  16جون سے این سی اوسی کی ہدایات کے مطابق ایکسپوسنٹرلاہورمیں بیرون ملک جانے والے 40سال سے کم عمرافرادکو آسٹرازینیکاویکسین لگانے کا آغازکررہے ہیں۔ ان کاکہنا تھا کہ تمام ڈپٹی کمشنرزکو40سال عمرسے کم افرادکوآسٹرازینیکا ویکسین لگانے کی ہدایات جاری کردی گئی ہیں۔

واضح رہے کہ  این سی او سی کے مطابق ملک بھر میں گزشتہ 24 گھنٹوں کے دوران 29ہزار 642 افراد کو ویکسین لگائی گئی جبکہ  اب تک 3,107,671 افراد کو کورونا ویکسین لگائی جاچکی ہے ۔