غریب سبزی فروش نے ہزاروں روپے بل آنے پر خوش کشی کر لی

غیر سبزی فروش نے ہزاروں روپے بل آنے پر خودکشی کر لی۔

بہاولنگر کی تحصیل چشتیاں میں پیش آنے افسوسناک واقعے پر متوفی کے والد نے پولسی کوبتایا کہ بجلی کا بل زیادہ آنے پر بیٹے نے خودکشی کر لی۔ بیٹا سبزی کی ریڑھی لگاتا تھا، بجلی کا بل 17 ہزار روپے آنے پر دلبرداشتہ ہو گیا تھا۔

والد کا کہنا تھا بیٹے نے زہریلی گولیاں کھاکر خودکشی کی، کسی کے خلاف کارروائی نہیں چاہتے۔

خیال رہے کہ ملک بھر میں بجلی کے زیادہ بل آنے پر عوام شدید پریشانی کا شکار ہیں اور اس معاملے پر جماعت اسلامی نے اسلام آباد میں دھرنا بھی دیا تھا جس کا اختتام حکومت کے ساتھ آئی پی پیز کے معاہدوں پر نظر ثانی اور بجلی کی قیمتوں میں کمی کرنے کے معاہدے پر ہوا لیکن معاہدے کے بعد ہی بجلی کی قیمت میں فی یونٹ 2 روپے 68 پیسے کا اضافہ کردیا گیا ہے جو کہ اضافہ جون کی ماہانہ فیول ایڈجسٹمنٹ میں کیا گیا ہے ۔