قومی بچت اسکیموں کی شرح منافع میں اضافہ

تفصیلات کے مطابق وزارت خزانہ  نے اس حوالے سے نوٹیفکیشن جاری کردیا ، نوٹی فکیشن   کے مطابق شرح منافع میں اضافے کا اطلاق بھی آج سے ہو گا ۔ وزارت خزانہ کے نوٹی فکیشن کے مطابق دس سالہ ڈیفنس سیونگز سرٹیفکیٹس پر شرح منافع  9 اعشاریہ35 فیصد کردی گئی  ہے ، اور  6ماہ کے شارٹ ٹرم سیونگز سر ٹیفکیٹس پر شرح منافع 7.20کر دی گئی ہے۔  اس سے پہلے 6ما ہ کے شارٹ ٹرم سیونگز سرٹیفکیٹس پر شرح منافع  7.14 تھا،  لیکن سپیشل سیونگز سر ٹیفکیٹس پر شرح منافع  برقرار رہے گی ۔

نوٹی فکیشن کے مطابق سیونگز اکا ؤنٹ  پر بھی شرح منافع برقرار رہے گی  اس کے ساتھ ساتھ بہبود پینشنر اور شہدا فیملی سر ٹیفیکیٹس پر شرح منافع برقرار رہے گی۔  مزید یہ کہ ریگولر انکم سیونگز سر ٹیفکیٹس پر شرح منافع 8اعشاریہ 64فیصد تھی جسے   بڑھا کر 8.76کردیا گیا ہے ۔