اسٹیٹ بینک نے مانیٹری پالیسی کا اعلان کر دیا، شرح سود میں مزید کم ہو گیا

کراچی: اسٹیٹ بینک آف پاکستان( ایس بی پی) نے مانیٹری پالیسی کا اعلان کرتے ہوئے شرح سود میں 50 بیسز پوائنٹس کی کمی کر دی ہے۔

تفصیلات کے مطابق مرکزی بینک کی جانب سے جاری کردہ مانیٹری پالیسی بیان کے مطابق نئی شرحِ سود 10.50 فیصد مقرر کی گئی ہے۔

بینک کا کہنا ہے کہ اس اقدام کا مقصد معیشت میں استحکام لانا، سرمایہ کاری کے مواقع بڑھانا اور مالیاتی مارکیٹ میں لیکویڈیٹی کی دستیابی کو بہتر بنانا ہے۔

حکام کے مطابق نئی شرح سود کے بعد کاروباری سرگرمیوں اور صارفین کے لیے قرضوں کی لاگت کم ہو گی، جس سے ملکی معیشت میں رفتار پیدا ہونے کی توقع ہے۔

اسٹیٹ بینک نے یہ بھی واضح کیا کہ پالیسی کا مقصد مہنگائی کو کنٹرول میں رکھنا اور معیشت کی مجموعی نمو کو مستحکم کرنا ہے۔

دوسری جانب معاشی ماہرین کی توقع تھی کہ شرحِ سود کو 11 فیصد کی سطح پر برقرار رکھا جائے گا، تاہم مانیٹری پالیسی کمیٹی نے غیر متوقع طور پر شرحِ سود میں 50 بیسز پوائنٹس کی کمی کا فیصلہ کیا۔

واضح رہے کہ اس سے قبل مئی 2025 میں سٹیٹ بینک نے شرحِ سود میں 100 بیسز پوائنٹس کی کمی کی تھی، جس کے بعد مسلسل کئی ادوار تک شرحِ سود 11 فیصد پر برقرار رکھی گئی تھی۔